Uschia funcziuna la salata cun verduras crivas
Preparaziun: 10 min
Las ingredienzas per 4 persunas
- 360 g broccoli
- 1 peperoni
- 1 mail plitost asch
- 30 g nuschegls da pinia
- 25 g ieli d’ulivas
- 15 g aschieu
- 1 tp mel d’avieuls
- 1 tp mustarda
- 1 tp sal
tp = tschadun pitschen
Pass per pass
- Tagliar fitg fin il broccoli, il mail ed il peperoni.
- Per far la sosa truschar ensemen l’ieli, l’aschieu, la mustarda, il sal ed il mel d’avieuls.
- Derscher la sosa sur las verduras e maschadar, sco ultim pass springir ils nuschegls da pinia sur la salata.
Tip: Ins po er agiuntar carottas u autras verduras.
Salata cun verduras crivas
Cumenzament da la gallaria da maletgs
Sursiglir la gallaria da maletgs
-
Bild 1 von 2. Insatge saun per in e scadin. Bildquelle: RTR.
-
Bild 2 von 2. Bun appetit! Bildquelle: RTR.
Fin da la gallaria da maletgs
Returnar al cumenzament da la gallaria da maletgs.
Recept sco PDF
Opticamain betg il hit – ma a mai gusta questa salata fitg bain.