🧩 Co funcziuna il gieu?
- nus tschertgain mintga di «la chaussa»
- trais descripziuns curtas tradeschan insatge da la chaussa
- maximalmain tschintg participantas u participants per di pon empruvar d’engiavinar
- sche nagin na chatta la resposta correcta, van 10 francs en il jackpot
- il gieu cuntinuescha ed il jackpot s’augmenta, fin ch’insatgi chatta la dretga resposta e gudogna l’import dal jackpot – l’ultima schanza datti tar in jackpot da CHF 500.–, sche la chaussa na vegn lura betg engiavinada, croda quel import en il «Super Tge chaussas»
- alura cumenza il gieu danovamain: engiavinar ina nova chaussa a maun da trais novas descripziuns curtas
📞 Co sa participar?
Telefonai en il studio da Radio RTR: 0800 20 25 30
🕘 Glindesdi fin venderdi, mintgamai a las 09:45
🕙 Sonda e dumengia, mintgamai a las 10:15
🔔 Descripziuns actualas
|
la chaussa sveglia emoziuns la chaussa datti sin tut il mund la chaussa po avair differentas significaziuns |
|||
| 04-03-2026 |
la chaussa è vesaivla la chaussa è ina sort reserva na tuts possedan betg la chaussa |
«Balla da fain, balla da pavel» | |
| 25-02-2026 |
la chaussa gida la chaussa po mitigar in sentiment la chaussa è fitg populara |
«Tape, taila che tatga per sustegnair terapia» | |
| 29-01-2026 |
la chaussa ha differentas furmas la chaussa ha adina la medema funcziun la chaussa dat segirtad |
«avisader da fim» |
🕰️ Chaussas gia numnadas
|
A: amur anè amulet arma |
|
B: bindera bitsch branclada bursa buccal |
|
C: chandaila chanzun cretta cunfins colurs |
|
D: discurs |
|
E: egliada encreschadetgna |
|
F: fotografia fluras |
|
G: genealogia glina guerra |
| H |
|
I: inscunter instrument imni |
| J: |
| K: |
|
L: larma lingua |
|
M: matg da flurs medaglia monument musica |
|
N: naschientscha nozzas nivla |
| O: |
|
P: parc da divertiment politica povradad |
| Q: |
|
R: religiun rosas |
|
S: saut show aviatica |
|
T: tattoo teater |
| U: |
|
V: vopna da famiglia |
| W: |
| X: |
| Y: |
|
Z: zain |
📣 Tge chaussas spezial
Da temp en temp integrain nus ina versiun speziala dal gieu. Lura betg «mo» cun descripziuns curtas – mabain per exempel era cun:
- 🎧tuns misterius
- 📍indizis da lieus
- 👤 persunalitads
... e bler auter. Las reglas restan las medemas, il gieu è per curt temp però in pau auter. Giugà vegn er il «spezial», fin che la chaussa è engiavinada, suenter cuntinuescha il gieu puspè a moda convenziunala. Tut las infurmaziuns necessarias chatt’ins ordavant sin rtr.ch e natiralmain communitgain nus quellas era sin Voss Radio RTR.
⭐ «Super Tge chaussas»
Mintgamai da Bumaun, cumenzain nus l’onn cun il «Super Tge chaussas». Cun l’agid da descripziuns curtas, vali d’engiavinar persunalitads. Da gudagnar datti la summa da bons dals jackpots da l’onn passà, ch’èn betg vegnids svidads. La summa vegn scumpartida sin quatter rundas da gieu, pia la schanza d’eruir a quatter victuras u quatter victurs. En mintga gieu san maximalmain as participar tschintg audituras u auditurs, sco adina per telefon.
