Siglir tar il cuntegn

Header

audio
Stellarium.
Screenshot RTR
laschar ir. Durada: 03:50 minutas.
cuntegn

Nua ves jau tge planet?

Il settember è il mais nua che nus pigliain plaunet cumià da la stad. I vegn pli fraid e las notgs pli lungas. Uschia è il di dals 13 da settember, per trais uras ed in quart pli curt che l'entschatta da la stad.

Quai munta dentant er che nus vesain pli ditg il tschiel stgir sur nus, cun planets e las stailas. Per identifitgar tge aster ch'è da vesair cura datti intgins meds d'agid.

Per tegnair survesaivel la purschida restain nus qua tar l'exempel «Stellarium». Stellarium è in planetarium virtual per Android, iOS e computer (Windows, Mac e Linux).

Ins po sa laschar mussar stailas, lur constellaziuns, planets, la glina, galaxias lontanas, in raster acimut u equatorial. Quai tut tenor tge ch'ins vul e tge che gida per l'orientaziun. 

La posiziun
Dependent da l'interess pon ins sa laschar localisar u selecziunar in auter lieu specific. Quai è la basa per la projecziun dal tschiel nocturn.

Il temp
Ins po er guardar en il futur, per exempel per planisar in'observaziun. Quai dentant maximal fin il proxim di. Uschia vesan ins exact cura ch'il planet giavischà vegn ad esser visibel al firmament.

L'orientaziun
Sin il telefonin pon ins sin giavisch activar la funcziun che il visur mussa gist la vista actuala. Vul dir che, sch'ins drizza ora l'apparat en direcziun glina mussi la glina ed ils objects vischins. 

Dapli da «Il Digitip - il tip digital»avrir la landingpage

Scrollar a sanestra Scrollar a dretga