En trais episodas visita il duo sis chasas: ina renovaziun massiva a Claustra, in chalet da vaider ad Alvagni, ina chasa dispitaivla da low-tec ad Igis, in refugi modern a Vignogn, in monument malchapì da betun ad Ardez ed in giuvel crappus a Malögia.
Claustra ed Alvagni
Ina chasa veglia a Claustra è vegnida transfurmada en ina chasa stgira che croda immediatamain en egl en vischnanca. Dadens persvada il bajetg cun in palantschieu unic da crap ed in'atmosfera speziala.
Ad Alvagni avrin nus las portas d'in chalet da vaider ch'è drizzà en da moda reducida e s'unescha cun il conturn da guaud.
-
Bild 1 von 7. Portas avertas a Claustra. Bildquelle: RTR.
-
Bild 2 von 7. La chasa «Grusaida». Anita Simeon Lutz e Livio Chistell en cuschina. Bildquelle: RTR.
-
Bild 3 von 7. La chasa «Grusaida». In bajetg dal biro d'architectura Think Architecture. Bildquelle: RTR.
-
Bild 4 von 7. Portas avertas ad Alvagni. Bildquelle: RTR.
-
Bild 5 von 7. In chalet da vaider. Anita Simeon Lutz e Livio Chistell visitan la chasa da l'architect Christoph Cavigelli. Bildquelle: RTR.
-
Bild 6 von 7. In chalet da vaider. Bildquelle: RTR.
-
Bild 7 von 7. In chalet da vaider. Sin la terassa da la chasa sa chattan ins amez il guaud. Bildquelle: RTR.
Igis e Vignogn
Ina chasa da low-tec ad Igis dat da discutar. L'element central da construcziun è il betun, ma er vaider ha sia funcziun, betg be estetica. D'ina vischina vegn la chasa er numnada «la chaplutta».
Er da betun è il refugi cun stil a Vignogn. Sin l'emprima egliada na van las duas chasas betg propi a prà en il maletg dal vitg lumnezian. Las duas chasas attiran en mintga cas l'attenziun.
-
Bild 1 von 7. Ina chasa da low-tec. Il bajetg dals architects Brändli Gioia. Bildquelle: RTR.
-
Bild 2 von 7. Ina chasa da low-tec. Bildquelle: RTR.
-
Bild 3 von 7. Ina chasa da low-tec. La chasa n'ha nagin stgaudament, il sulegl che dat tras la fassada da vaider surpiglia il pensum da stgaudar. Bildquelle: RTR.
-
Bild 4 von 7. Portas avertas a Vignogn. Bildquelle: RTR.
-
Bild 5 von 7. In refugi modern. Anita Simeon Lutz e Livio Chistell visitan la chasa dals achitects Hurst Song. Bildquelle: RTR.
-
Bild 6 von 7. In refugi modern. Bildquelle: RTR.
-
Bild 7 von 7. In refugi modern. Bildquelle: RTR.
Ardez e Malögia
Er en l'Engiadina datti inqual perla architectonica. Uschia il monument da betun malchapì ad Ardez ch'interpretescha da nov il stil engiadinais. En egl dat la chasa cun sia curt speziala e ses artgs.
Sper quai datti er in'invista en in giuvel crappus a Malögia, ina chasa da trais famiglias che stat en in quartier cun ina vista magnifica.
-
Bild 1 von 8. Portas avertas ad Ardez. Anita Simeon Lutz e Livio Chistell visitan la chasa da l'architect Valentin Bearth. Bildquelle: RTR.
-
Bild 2 von 8. In monument malchapì da betun. Ina chasa cun bler spazi. Bildquelle: RTR.
-
Bild 3 von 8. In monument malchapì da betun. La vista sco in purtret da Segantini. Bildquelle: RTR.
-
Bild 4 von 8. In monument malchapì da betun. Bildquelle: RTR.
-
Bild 5 von 8. Portas avertas a Malögia. Bildquelle: RTR.
-
Bild 6 von 8. In giuvel crappus. Anita Simeon Lutz e Livio Chistell visitan la chasa da l'architect Renato Maurizio. Bildquelle: RTR.
-
Bild 7 von 8. In giuvel crappus. Bildquelle: RTR.
-
Bild 8 von 8. In giuvel crappus. Anita Simeon Lutz e Livio Chistell en la chasa cun ina architectura speziala. Bildquelle: RTR.
Anita Simeon Lutz e Livio Chistell han fatg viadi tras il Grischun e prendì sut la marella differents stils architectonics, han discurrì cun possessurs da chasas e lur visiuns e filosofà davart materials e colurs e tge atmosfera che regia en las chasas extraordinarias.
L'architectura grischuna na sto betg sa zuppar. I dat bunas architectas e buns mastergnants. Ed ins sto dir che bajegiar en il Grischun n'è betg uschè simpel cunquai ch'ins ha il cuntrast da las muntognas.
Anita Simeon Lutz (53) è creschida si a Lantsch e viva oz a Neerach en il chantun Turitg. La Rumantscha è architecta ETH ed anteriura schefredactura dal magazin per architectura, design e cultura d’abitar «Das ideale Heim».
Curt e bun: tschintg dumondas a l'experta
Lain u betun?
Lain – jau deriv d'ina famiglia da lainaris. Uschia sun jau influenzada in tant.
Renovar u construir da nov?
Renovar, perquai ch'igl è per l'ina pli persistent e per l'autra vegn l'olma dal bajetg gia cun.
Ir sur il budget ubain spargnar?
Ir in zic sur il budget. Cun bajegiar vegnan numnadamain adina novas ideas ed i croda en egl tge ch'ins pudess far meglier. Perquai dovri dapli budget.
Esser moderatura ed experta en in'emissiun ubain esser architecta e contruir insatge?
Quai è ina dumonda difficila. Atgnamain schon bajegiar sezza, ma esser moderatura è er attractiv. Lura poss jau guardar cools object e dir mia opiniun senza ch'igl ha consequenzas.
E per finir: tgenina da las sis chasas ha plaschì il meglier?
Quella ad Ardez, ella è la pli consequenta ed è cleramain in manifest architectonic. Jau sun er stada surstada da l'atmosfera ch'ella ha.