Siglir tar il cuntegn

Header

cuntegn

Dis da litteratura 2022 Dumengia, ils 6 da november

Il ticker è a fin

  • 16:36

    Fin

    Ina bella saira giavischa la squadra da RTR. A revair!

  • 16:09

    Il Premi Term Bel 2022 va a Flurina Badel

    Il text descriva e skizzescha ils patratgs d’in «jau» durant che ella fa chaussas dal mintgadi: scuar il avantporta, svidar la stgaffa da brevs u lavar la vaschella. Il text porscha, tenor la giuria, ina cascada descriptiva fitg associativa e spessa. U sco ch'i stat scrit en il text: «Tuot lascha fastizis.»

    Flurina Badel, annada 1983, è creschida si a Lavin. Ella stat a Guarda ed è artista, autura ed intermediatura da cultura independenta. Dapi il 2016 è ella redactura responsabla per l’emissiun «Impuls» da RTR.

    Flurina Badel ha publitgà lirica e prosa curta en diversas antologias. Il 2019 è cumpari cun «tinitus tropic» ses emprim tom da poesias. Ella ha survegnì il 2018 premi OpenNet dals Dis da litteratura a Soloturn, il 2020 il Premi svizzer da litteratura ed uss il Premi Term Bel, sco er il Premi dal public dals Dis da litteratura 2022.

    Foto da la victura dal Premi Term Bel
    Legenda: L'autura Flurina Badel gudogna il Premi Term Bel sco era il Premi dal public 2022. RTR, Dominik Hardegger
  • 15:10

    Nua è il spiert engiadinais?

    L’autura e schurnalista Fadrina Hofman ha dumandà 30 persunas: Es ti in’Engiadinaisa? Es ti in Engiadinais? Umens e dunnas da Segl fin Martina han raquintà da lur vita, lur relaziun cun l’Engiadina e surtut da quai che fa ch’ellas sa sentan sco Engiadinaisas ed Engiadinais. Entant ch'ils ins associeschan identitad cun esser naschì u creschì si en Engiadina, sa sentan autras sco stgettas Engiadinaisas cun quai che ellas èn colliadas cun la natira u ils umans da la val.

    Fadrina Hofmann dat invista en il cudesch «Spiert engiadinais» cun maletgs da Mayk Wendt.
    Legenda: Fadrina Hofmann dat invista en il cudesch «Spiert engiadinais» cun maletgs da Mayk Wendt. RTR, Dominik Hardegger
  • 14:28

    La diala dals chavels lungs

    La diala dal nivels Nuala ha in problem. Ses chavels lungs la seccan. Per vegnir libra da quels sa metta ella ensemen cun ses ami Mirin en viadi, enfin giu sin terra. Sco ch'i sa mussa daventa quai in'aventura plain rampigns e privels. Scrit quest’istorgia ha Selina Dacy Cadonau, naschida en India e creschida si a Scuol. Illustrà il cudesch d’uffant ha l’artista e graficra Mattea Gianotti ch'ha ragischs en Bregaglia.

    La cuverta dal cudesch NUALA
    Legenda: MAD
  • 12:16
    Fotografia da la cuverta dal cudesch, che mussa quatter fotografias da l'entir mund
    Legenda: ir – per turnar Nepal, Nigeria, ils Stadis Unids e la Svizra. La cuverta dal cudesch. RTR, Guadench Dazzi
  • 12:12

    Ir – per turnar

    Sper texts e pleds datti a Domat mintg’onn er suns e tuns u lura er accents visuals. Per quel procura quest onn Leo Condrau da Mustér. En «Ir – per turnar» preschenta l’inschigner e fotograf Leo Condrau ina sort autobiografia cun maletgs da sia vita professiunala. Sco constructur da punts u lingias d’auta tensiun è el stà ils davos 50 onns en Nepal, Nigeria, ils Stadis Unids e la Svizra. En il focus da sias fotografias stattan persunas, construcziuns e muntognas en quatter continents.

    Turnar è bler pli cumplitgà che partir.
    Autur: Leo Condrau
  • 12:06
    audio
    Fin al sain da not – Gianna Duschletta
    ord RTR Audio dals 06.11.2022.
    laschar ir. Durada: 1 minuta 28 Secundas.
  • 11:51

    In’istorgia per vischnanca

    La 140avla ediziun da la Chasa Paterna porscha per mintga vischnanca d’Engiadin’Ota, inclusivamain Bravuogn, in text cun regurdientschas d’uffanza. Cun istorgias curtas da tempra persunala datti uschia miniaturas d’in temp e lieu. En pliras regurdientschas gioga il sain da notg in rolla centrala.

    Moderatura Martina Shuler-Fluor, Riet Ganzoni, Gianna Duschletta, Curdin Nicolay e Jost Fallett.
    Legenda: Moderatura Martina Shuler-Fluor, Riet Ganzoni, Gianna Duschletta, Jost Fallett e Curdin Nicolay. RTR, Dominik Hardegger
  • 10:34

    Emprima antologia surmirana

    Linard Candreia ha racoltà 73 texts da passa 50 auturas ed auturs dal Surmeir. Il cudesch «Prosa surmirana – Da se cò» preschenta in panopticum varià betg mo da la litteratura, mabain er da la lingua e cultura surmirana dals davos 150 onns. Enritgida vegn la publicaziun cun fotografias istoricas ord la collecziun dal DRG.

    Linard Candreia.
    Legenda: Linard Candreia. RTR, Dominik Hardegger
  • 10:03
    audio
    Extract ord il diari da Gion Casper Collenberg
    ord RTR Audio dals 06.11.2022.
    laschar ir. Durada: 54 Secundas.
  • 9:54

    In viadi aventurus d’avant 250 onns

    En sia dissertaziun preschenta il linguist Michele Luigi Badilatti il text autobiografic da Gion Casper Collenberg da Lumbrein che era emigrà en Frantscha e che ha ils onns 1765/66 fatg in viadi sur mar en «l’Isla de Fronscha», oz Mauritius.

    Illustraziun d'ina nav
    Legenda: Compte d'Artois – Illustraziun ord il cudesch. RTR, Guadench Dazzi
  • 9:11

    Il program da la dumengia, ils 6 da november

    • 09:30 Gion Casper Collenberg: Viadi en l’isla de Fronscha (1765/66) – da Michele Luigi Badilatti
    • 10:15 Da se cò – antologia surmirana da Linard Candreia
    • 11:00 Fin al sain da not – regurdientschas d'uffanza, Chasa Paterna 140
    • 11:45 ir – per turnar – biografia fotografica da Leo Condrau
    • 14:00 La Nuala – La diala da las nüvlas – istorgia illustrada da Selina Cadonau e Mattea Gianotti
    • 14:45 Spiert engiadinais – purtrets da persunas da l'Engiadina da Fadrina Hofmann
    • 15:30 Premi Term Bel – surdada dals premis

Artitgels legids il pli savens

Scrollar a sanestra Scrollar a dretga