Siglir tar il cuntegn

Header

audio
Emna rumantscha: Chanzun «Ladina» da Snook cun la scola svizra a Milaun
Or da Actualitad dals 19.02.2024. Maletg: RTR
laschar ir. Durada: 7 minutas 31 Secundas.
cuntegn

Emna rumantscha Snook chanta ensemen cun la Scola svizra da Milaun

A chaschun da la quarta ediziun da «l'emna rumantscha», ha lieu a Milaun in inscunter cun il tema: «Dalle parole alle idee: sei regioni svizzere e italiana in dialogo» («Dals pleds a las ideas: sis regiuns svizras e talianas en il dialog»). Il tema da glindesdi saira è la moda persistenta, e la musica.

Per la part musicala procura Gino Clavuot, era enconuschent sco «Snook», ensemen cun la scola primara da la Scola svizra a Milaun. Ensemen cun ils scolars e las scolaras vegn el a chantar sia chanzun «Ladina».

Per Gino Clavuot ina pussaivladad da motivar ils uffants per la lingua e per s'engaschar per quella. Oravant tut impurtant saja per el da cumbinar l'interess per la lingua cun la musica, per era pudair motivar ils uffants – che n'avessan pli probabel betg bler gust da simplamain far teoria da lingua.

La chanzun «Ladina» saja tenor Snook era in bun exempel per la collavuraziun da differentas linguas – e per la motivaziun d'emprender in'autra lingua per la musica. Manon Ulli che chanta la part feminina è da Turitg e na sa betg rumantsch. Il medem valia per il chor african ch'ins auda. Era quels hajan emprendì la part rumantscha per pudair chantar la chanzun.

L'emna rumantscha

Avrir la box Serrar la box

Ils 20 da favrer cumenza mintga onn «l'Emna rumantscha». Quai è il di ch'il rumantsch è daventà lingua naziunala en Svizra (ils 20 da favrer 1938).

Diversas ambassadas da la Svizra sin tut il mund fan en quell’emna activitads enturn il rumantsch. Ma era en Svizra vegn fatg attent al rumantsch cun differentas acziuns.

Il 2024 ha lieu la quarta ediziun.

Gino Clavuot und Mano Ulli
Legenda: Gino Clavuot alias Snook ensemen cun la chantadura Manon Ulli. Els mainan il chant cun ils scolars e las scolaras da la Scola svizra a Milaun. mess a disposiziun da Snook

RTR accumpagnament 10:00

Artitgels legids il pli savens