Pli gugent ch'uvestg fiss Joseph Maria Bonnemain restà spiritual d’ospital. Ils nundumbraivels inscunters cun carstgauns en l’ospital, l’accumpagnament da persunas che pateschan, il contact ed amicizias cun collavuraturs e collavuraturas – quai èn stads muments custaivels.
Jau sun vegnì pli uman. Jau hai emprendì che la vita n’è betg alv e naira.
Bleras persunas da sia squadra èn dunnas. E questas dunnas influenzeschan fitg las decisiuns, las respostas da l'uvestg.
Ellas n'influenzeschan betg be mes mintgadi mabain er mias decisiuns.
Cun l’elecziun ha Joseph Maria Bonnemain prendì dimora en il chastè episcopal a Cuira. Ma ses dachasa n’è il chastè betg vegnì. Ses dachasa è la chapella davant il tabernachel. Là saja Dieu preschent.
