Siglir tar il cuntegn

Mountain Brass in Concert 2025 Emprima concurrenza grischuna da Brass Bands

La concurrenza Mountain Brass in Concert è ina concurrenza da musica da divertiment ch'i dat gia dapi intgins onns en l'Engalterra (British Brass in Concert). En Svizra è il format però nov. La Musica da Domat ha mess en pe la concurrenza en connex cun ses giubileum da 222 onns.

Mintgina da las sis furmaziuns ha sunà in program da 30 – 35 minutas. Cundiziun è stada che las bands sunan il toc da pensum («From Mountains to the Skies» che Paul Lovatt-Cooper ha scrit aposta per l'occurenza), almain in toc da solo sco era elements da show.

Las Brass Bands han tschentà lur programs sut in motto:

  • Graubünden Brass u er GR Brass arva la concurrenza cun ses motto «Blue Empires». Ensemen cun Nikolaus Schmid fan els in viadi aventurus en il reginavel blau dals oceans. Ella preschenta in'istorgia musicala davart l'entschatta dal viadi, la vita en il blau profund, il chant da las balenas, citads sfundradas. La GR Brass suna sut la direcziun da Gian Stecher.
  • Brass Band Eglisau cun ses dirigent Andreas Buri ha mess ensemen in program sut il motto «Eglisauer Stadtgeschichten». Ella vul pigliar cun ella il publicum sin ina guida tras la citad dad Eglisau. Sustenì da maletgs e films curts raquinta la band diversas episodas ord la vita e l'istorgia da la citad.
  • Universal Brass Band ha elegì il motto «Mythen und Legenden». Sut la direcziun da Gian Stecher cumenza la musica ses viadi durant ina notg da nebla datiers da Cyfarthfa Castle, il viadi dal spiert d'in fravi sur il cumbattant per la libertad William Wallace, il retg Richard Löwenherz fin la matta da pasturs che sauta en la muntogna da la Svezia.
  • La Musikgesellschaft Risch-Rotkreuz ha per questa concurrenza engaschà in reschissur professiunal ed il motto «Zorro - Held ohne Plan». Deplorablamein era il reschissur talmain sut squitsch da temp (er pervi da la festa per il nov cusseglier federal Martin Pfister ed autras incumbensas per part en l'exteriur) ch'el n'è betg stà a las emprovas - a neginas. El ha però bumbardà la band e ses dirigent Roman Caprez cun messadis da telefonin ed uschia ha la furmaziun mess enturn la show uschè bain sco pussaivel. Ins po esser spanegià.
  • Il chantun Appenzell Dadens è francà fermamain en la DNA da la Liberty Brass Band. Aschia ha il dirigent Stefan Roth elegì il motto «Das Zauberlendauerli», ina figura misteriusa che po suflar fim en l'aria ed uschia laschar ir en vigur ils giavischs. Ils dus Appenzellais che mainan tras il program emprendan d'enconuscher il Zauberlendauerli.
  • Il viadi musical da la Oberaargauer Brass Band ha il motto «Sprache der Sterne». Musicantas e musicants ord tut il mund discurran ensemen ina lingua che mintgina e mintgina chapescha: la musica. Ina trumba dessegna ina cuntrada da schelira, in zenn leventa la primavaira e dus eufonis sautan sco las stailas en la notg. Il dirigent Hervé Grélat ha elegì per quest program blera musica rumantscha.

Valitaziun e premis

Sco experts per la concurrenza ha la Musica da Domat pudì engaschar Paul Lovatt-Cooper (che ha era scrit il toc da pensum) (GB), Ueli Kipfer (CH) ed il Svizzer cun ragischs grischunas, Enrico Calzaferri. Per motivs da sanadad ha Appermont stuì dar giu ses post, el vegn remplazzà entras Ueli Kipfer (CH).

Dus dals experts giuditgeschan las prestaziuns musicalas (meglra prestaziun cumplessiva, meglier toc da pensum e meglier solist). Il terz expert giuditgescha ensemen cun il publicum il factur divertiment, cuntegn e creativitad.

Mountain Brass Contest

Avrir la box Serrar la box

Ein Wettbewerb in Graubünden für Schweizer Top-Brass Bands, inspiriert von dem seit 1977 bestehenden British Brass in Concert. Der Wettbewerb richtet sich an Brass Bands der 1. Klasse bis Höchstklasse gemäss der aktuellsten Rangliste des schweizerischen Brass Band Wettbewerbs.

Im Gegensatz zu traditionellen Brass Band Wettbewerben liegt der Schwerpunkt beim «Mountain Brass in Concert» auf Unterhaltung, Kreativität und Innovation. Jede Band präsentiert ein kreatives Programm mit einem thematischen Konzept, das oft mit Licht- und audiovisuellen Elementen unterstützt wird.

La vusch da l'expert e la vusch dal publicum (che vegn fixà entras in voting sin rtr.ch) vegnan quintads per mintgamai 50% e la finala datti lura il premi per il meglier progam da divertiment.

Il victur final resulta ord la summa dals dus experts per la musica (maximalmain 200 puncts) e la summa dal public cun l'expert per il program da divertiment (maximalmain 100 puncts).

La band che gudogna survegn 3'000.- francs, la secunda 2'000.- francs e per la terza band datti 1'000.- francs. Enpli datti er premis per il meglier toc da pensum (bon da 1'000 francs), il meglier solist (bon da 1'000 francs) ed il meglier program (bon da 500.- francs).

RTR novitads 10:00

Artitgels legids il pli savens