Duas da sias chanzuns preferidas èn «Creep» da Radiohead (1992) ubain «Toxic» da Britney Spears (2004). Da quellas chanzuns fa la chantadura giuvna tranteren era versiuns da cover ch’ella publitgescha sin ses chanal da social media. Tar quels vesan ins che Memoza stat anc a l’entschatta da sia carriera – cun trais chanzuns publitgadas ha ella n’anc betg ramassa uschè blers abunents. Sia emprima chanzun «Walk On» ha ella publitgà cun 17 onns e gia gì success remartgabel. Suenter ha ella fatg ina pitschna pausa per tschertgar nova musica e nova inspiraziun. Uss ha ella preschentà cun «Feelings» ina nova single e lavura vid ses emprim album. Quella po ella preschentar durant il mars en ils radios da RTR, SRF3, Couleur 3 e Rete Tre.
L'unitad fa la forza! Ils quatter radios SRF3, Couleur 3, Rete Tre e RTR scuvran e promovan mais per mais ina nova chanzun svizra. Las redacziuns da musica da RTR, RSI, RTS e SRF preschentan communablamain musica ch'ha attratg l'attenziun da las redacziuns. E quai exclusivamain per chanzuns, ch'èn da chattar sin mx3.ch.
