Trais lieus fan surstar en lur varietad l'artist Donat Caduff per sia pli nova exposiziun en la Cularta «Observaziuns obsessivas»: La banlieue da Paris, ils santeris a Roma ed il circus da skis da Flem/Laax.
Sin spassegiadas extendidas ha l'artist, oriund da Sagogn, sviluppà in'egliada ch'observa il mintgadi ed il cumportament uman en spazis urbans e rurals: durant embratschar, durant discurrer, durant far fotografias, durant salidar insatgi u simplamain durant ir sperasvi. Situaziuns ensasez nunspectacularas ch'han fascinà el, e ch'el ha fotografà silsuenter per far ordlunder purtrets cun rispli ubain colurs. Sia moda e maniera da lavurar era, da distractar l'object principal dal fund ed era da betg malegiar live. Ina moda e maniera da lavurar che plascha ad el.
Jau sai, i dat artists che din: «Uh, na! Dissegnar ston ins adina sin il plaz e live.» – Ed jau hai gugent, sch'ins po midar ina lavur d'in med en tschel e guardar lura, tge che capita cun la transfurmaziun.
Mintgamai trais mais è el stà a Paris ed a Roma en il rom da residenzas artisticas. Temp ch'el ha emplenì cun bleras spassegiadas. Tras quai che Donat Caduff planisescha e lavura fitg acribic ed exact, ha el a la fin dal project era pudì dir quants kilometers ch'el ha fatg tras tut sias spassegiadas: numnadamain 1'200! Ir a spass saja per el ina moda e maniera fitg deliberanta e libra.
Jau hai fatg cartas nua ch'jau vom a spass – quai ha forsa la parita sco dad in animal selvadi che va sin la tschertga da magliar. Nagina logica, ma ti vesas il moviment. Fitg spontan. Fitg arbitrar.
Intginas ovras da Donat Caduff
-
Bild 1 von 13. Bildquelle: Donat Caduff.
-
Bild 2 von 13. Bildquelle: Donat Caduff.
-
Bild 3 von 13. Bildquelle: Donat Caduff.
-
Bild 4 von 13. Bildquelle: Donat Caduff.
-
Bild 5 von 13. Bildquelle: Donat Caduff.
-
Bild 6 von 13. Bildquelle: Donat Caduff.
-
Bild 7 von 13. Bildquelle: Donat Caduff.
-
Bild 8 von 13. Bildquelle: Donat Caduff.
-
Bild 9 von 13. Bildquelle: Donat Caduff.
-
Bild 10 von 13. Bildquelle: Donat Caduff.
-
Bild 11 von 13. Bildquelle: Donat Caduff.
-
Bild 12 von 13. Bildquelle: Donat Caduff.
-
Bild 13 von 13. Bildquelle: Donat Caduff.
L'exposiziun è repartida en trais parts:
- Simpatia abrupta (Urplötzliche Zuneigung) cun 153 dissegns da rispli e colurs sin palpiri.
- Las sbrinzlas en ils lagugns (Aufflackernde Nebenschauplätze) cun 6 motivs da stampa digitala sin bategls
- Dis da mai murir (Tage flimmernden Glücks), ina projecziun da 28 minutas
L'exposiziun cuzza dals 11-4 fin ils 25-10-2026 en la Cularta a Laax sper il lai. Sco resultat è da vesair en la pli nova exposiziun «Observaziuns obsessivas»