En il Grischun è il dumber da persunas senza lavur sa reducì il mars per 200 sin bunamain 1’300 – cumpareglià cun il favrer. La quota da dischoccupaziun munta ad 1,0%. Quai ha communitgà l'Uffizi per industria, mastergn e lavur dal Grischun. Ils blers dischoccupads hajan nudà las branschas da construcziun (278) e la gastronomia (192).
En l’entira Svizra è il dumber da dischoccupaziun sa reducì sin bunamain 110'000 persunas (favrer: 117'970 dischoccupads). Quai correspunda ad ina quota da dischoccupaziun da 2,4%.
Il mars hajan 294 manaschis survegnì indemnisaziuns per lavur reducida en il Grischun. Quai è levet dapli ch’anc il mais avant (226).