Siglir tar il cuntegn

Header

cuntegn

Economia publica Main dischoccupads durant il favrer

Il favrer 2022 ha il chantun Grischun nudà 1'295 persunas senza lavur. Quai munta ina quota da dischoccupaziun da 1,2%. Cumpareglià cun il mais avant, cun 1'523 persunas dischoccupadas, è il dumber sa sminuì. Cumpareglià cun il favrer 2021 è il dumber in bun tant pli bass. Là aveva il Grischun nudà passa 2'000 persunas senza lavur e la quota da dischoccupaziun era tar 2,0%.

Da las 1'295 persunas dischoccupadas eran 374 dunnas e 921 umens. Las cifras las pli autas da dischoccupaziun ha nudà la branscha da construcziun (446), la gastronomia (146) ed il sectur da sanadad e social (80).

En Svizra è il dumber da persunas dischoccupadas sa reducì da 122'268 persunas sin 117'970 persunas. La quota da dischoccupaziun munta en Svizra a 2,5%.

Lavur curta en Grischun

Il favrer 2022 eran 226 interpresas annunziadas per survegnir indemnisaziuns da lavur curta. Cumpareglià cun il mais avant (243 interpresas) è il dumber sa reducì lev. Questa cifra na lubescha dentant naginas conclusiuns exactas davart il dumber effectiv d'interpresas che retiran lavur curta. Quels han numnadamain mintgamai trais mais peda d'annunziar, quanta lavur curta ch'i han effectivamain gì.

RTR novitads 09:00

Artitgels legids il pli savens