Siglir tar il cuntegn

Header

cuntegn

Dischoccupaziun october Cun fin da stagiun d'atun s'augmenta dumber da dischoccupads

L'october 2021 ha il chantun Grischun nudà 1'362 persunas dischoccupadas, quai correspunda ad ina quota da dischoccupaziun dad 1,2%. Cumpareglià cun il mais avant è quest dumber s'augmentà. Il settember eran 993 persunas dischoccupadas. L'augment è dentant d'attribuir a la stagiun ed a la fin da la stagiun da stad ed atun en il turissem. Quai scriva l'Uffizi per industria, mastergn e lavur. Cun quai è il dumber circa sin il medem stan sco il 2019, avant la pandemia.

Da las persunas dischoccupadas eran 657 dunnas e 705 umens. Il pli aut dumber da persunas hai dà en la branscha da gastronomia (559), tar la sanadad publica ed il socialesser (94), en il commerci en detagl (85), tar il traffic e transport (80) sco er en la branscha da construcziun (76).

En Svizra è il dumber da dischoccupadas e dischoccupads ì enavos da 120'294 sin 116'733. La quota da dischoccupaziun svizra è tar 2,5%.

Lavur curta en Grischun

Durant il mais october han 316 interpresas fatg lavur curta. Cumpareglià cun il mais avant cun 418 interpresas è il dumber sa sbassà. Il dumber na lubescha dentant nagina conclusiun exacta da quanta lavur curta ch'è propi vegnida fatga. Las interpresas han numnadamain temp trais mais da far diever da lur pretensiun per lavur curta.

RTR novitads 08:00

Artitgels legids il pli savens

Scrollar a sanestra Scrollar a dretga