En la chapitala austriaca po la populaziun sa laschar testar en 3 lieus fin ils 13 da december. A Vienna pon ins testar fin 150'000 persunas a di. La regenza austriaca spera che plirs milliuns Austriacas ed Austriacs sa laschan testar las proximas emnas per uschia chattar persunas infectadas senza sintoms.
Dasper Vienna ed il Tirol, ha il project er cumenzà venderdi en il Bundesland dal Vorarlberg. Ils ulteriurs Bundesländer vegnan a suandar ils proxims dis. Tests da massa cumparegliabels hai dà fin uss en il pajais vischin da la Slovachia u er en il Tirol dal Sid.
Ord l'archiv:
Intgins pajais vischins da la Svizra e l'Austria han gia decidì da laschar serrà ils territoris da skis enfin suenter ils dis da festa. La Svizra e l'Austria emprovan per il mument anc diversas chaussas per spendrar la stagiun d'enviern.
