En ils Stadis Unids ha il candidat dals democrats Bernie Sanders smess il cumbat electoral. L’um da 78 onns ha annunzià quai envers ses collavuraturs.
Uschia è la via libra per l’anteriur vicepresident democrat Joe Biden.
El candidescha il november cunter il president en uffizi republican Donald Trump.
Las elecziuns preliminaras aveva Sanders cumenzà bain.
Silsuenter ha Biden però fatg en plirs stadis federativs dapli vuschs.
Entant ha Biden dapli vuschs da delegads che Sanders.
