En il conflict da tariffas hai dà ina schliaziun temporara. Enfin ils 30 da zercladur na duai dar nagina chauma dals pilots pli. Enfin lura vulan ins contrahar ulteriurs temas averts senza avair il squitsch da temp. Quai ha declerà il sindicat dals pilots e las pilotas.
Ils pilots da la Lufthansa e la Lufthansa Cargo survegnan 980 euros dapli paja, l'augmentazin succeda en dus pass. Ils cuntracts da tariffas èn dentant anc adina averts.
Ils 6 da settember ha la Lufthansa pudì evitar ina chauma il davos mument. Il sindicat dals pilots aveva declerà ch’ils discurs davart in augment da las pajas haja fatg naufragi.
Ils 2 da settember ha il sindicat organisà ina emprima chauma per 24 uras. La Lufthansa ha stuì stritgar 800 sgols, passa 130'000 passagiers èn stads pertutgads. Sco ultim aveva la Lufthansa offert als pilots in augment da paja mensil da 900 euros.
