Siglir tar il cuntegn

Header

video
Ord 10 vor 10: 22 onns e mez praschun per Chauvin
Or da 10 vor 10 dals 25.06.2021.
laschar ir. Durada: 5 minutas 59 Secundas.
cuntegn

Process Floyd Ex-policist condemnà a 22 onns praschun

L’anteriur policist american, Derek Chauvin, ch’è stà responsabel per il mazzament da l'Afroamerican George Floyd, sto ir per 22 onns e mez en praschun. Quai ha decis la dretgira responsabla a Minneapolis.

L'avrigl da quest onn avevan ils giuraders decis che Chauvin saja culpabel en tut ils puncts d'accusaziun. Il pli ferm punct d'accusaziun èra murdraretsch da segund grad senza intenziun. La defaisa aveva pretais in chasti cundiziunà per l'um da 45 onns, la procura publica percunter 30 onns praschun.

Sentenzia adequata tenor Biden

Floyd era mort ils 25 da matg da l’onn passà tar in’acziun da la polizia. Igl è stà il cas da violenza da polizia ch’ha chaschunà sin l’entir mund demonstraziuns sut il motto «Black Lives Matter».

Il president american Joe Biden ha beneventà ils 22 onns e mez praschun per Chauvin. Il chasti paria adequat ad el, uschia Biden. Er ils advocats da la famiglia Floyd èn sa mussads cuntents cun la sentenzia ed han discurrì d'ina sentenzia da culpaivladad istorica. Intgins commembers da la famiglia Floyd han dentant exprimì dischillusiun. La sentenzia saja memia miaivla.

RTR novitads 06:00

Artitgels legids il pli savens