Suenter ils terratrembel en la Siria en ils donns gigantics. La Banca mundiala schazegia ch'i ha dà in donn material che munta a 5 milliardas dollars. Mez da tut ils donns hai dà en la provinza d'Aleppo. Tras ils terratrembels èn 5'900 persunas da la Siria mortas.
Donns cumplains per l'economia betg clers
Las 5,1 milliardas dollars donns muntan a 10% dal BIP sirian. Quai sajan dentant mo ils custs actuals. Ils donns a lunga vista per l'economia siriana n'ha la Banca mundiala betg calculà.
Anc mender han ils terratrembels catastrofals tutgà la Tirchia. La calculaziun per la Tirchia ha la Banca mundiala publitgà avant intgins dis. Là hai dà silmain 45'000 morts e 34 milliardas dollars donn material.
