En ils Stadis Unids datti uss in terz vaccin cunter Covid-19 sin il martgà. L’autoritad da medicaments americana FDA ha er dà la permissiun d'urgenza al vaccin dal concern Johnson & Johnson. Dasper ils vaccins dals concerns da Biontech/Pfizer e Moderna stat als Stadis Unids uschia in terz vaccin a disposiziun en il cumbat cunter il coronavirus.
Spezial vi dal vaccin da Johnson & Johnson è ch’el sto be vegnir sprizzà ina giada empè da duas giadas – sco quai ch'igl è il cas tar ils vaccins ch’èn gia en circulaziun. Ultra da quai saja pli simpel da conservar e transportar quest vaccin cumpareglià cun ils dus auters. L'efficacitad dal vaccin cunter grevas furmas da Covid-19 muntia fin ad 85%, uschia la FDA vinavant.
Ord l'archiv
video
Svizra negoziescha cun producent da vaccin Johnson & Johnson
Or da Tagesschau dals 31.01.2021.
laschar ir. Durada: 4 minutas 23 Secundas.
