Siglir tar il cuntegn

Header

Donald Trump
Legenda: Il president dals Stadis Unids è vegnì nominà uffizialmain per ina segunda perioda d'uffizi. Keystone
cuntegn

Stadis Unids Trump è nominà

Al di da partida dals republicans è Donald Trump uffizialmain vegnì nominà sco candidat per il presidi dals Stadis Unids.

La dumonda sche Trump vegn nominà sco candidat n'è atgnamain betg stada ina dumonda. El n'aveva numnadamain nagins concurrents entaifer la partida. Sco vicepresident candidescha Mike Pence. L'emna passada avevan ils democrats nominà uffizialmain l'anteriur vicepresident Joe Biden sco lur candidat. L'elecziun dal president è ils 3 da november.

video
Energics pleds da aderents da Trump
Or da SRF News dals 25.08.2020.
laschar ir

Tiktok porta plant cunter Trump

En il trantertemp vul l'applicaziun da videos Tiktok spendrar ses futur en ils Stadis Unids cun in plant cunter la regenza dal president actual. Ils gestiunaris da l’app chinaisa renfatschan al president d’avair malduvrà sia pussanza e violà la constituziun cun ses decret en chaussa. Er na sajan cunterarguments betg vegnids resguardads.

Trump aveva scumandà ad Americans da far fatschentas cun Tiktok, per proteger la segirezza da las datas. Sche quest decret va en vigur mez settember, muntass quai la fin da l’applicaziun en ils Stadis Unids.

RTR novitads 06:00

Artitgels legids il pli savens

Scrollar a sanestra Scrollar a dretga