L’obligatori da purtar ina mascrina pudess avair impedì 10 millis infecziuns da corona. Per limitar il virus saja il purtar d'ina protecziun per nas e bucca perfin anc pli impurtanta che tegnair distanza e scumonds da sortir. Quai resorta d'in studi che la revista spezialisada americana PNAS ha publitgà. PNAS stat per Proceedings of the National Academy of Sciences of the United States of America.
En l’Italia dal Nord per exempel saja il dumber da las infecziuns sa reducì fermamain suenter che l’obligatori da purtar ina mascra era vegnì introducì là ils 6 d'avrigl. Sco ils scienziads scrivan èn las infecziuns cun quella mesira sa reducidas per passa 78’000 fin ils 9 da matg.
