Siglir tar il cuntegn

Header

cuntegn

Talibans en l'Afganistan Schefs da stadi G7 vulan sa cussegliar co vinavant

Ils schefs da stadi e da regenza dals stadis G7 vulan sa cussegliar areguard la situaziun en l’Afganistan. L’inscunter duai avair lieu l’emna proxima a moda virtuala. Il president american Joe Biden ed il primminister da la Gronda Britannia, Boris Johnson hajan decis quai al telefon. Quai ha communitgà la Chas’alva a Washington.

Tema da l’inscunter digital duai esser da chattar ina strategia cuminaivla per far frunt a la crisa en l’Afganistan. I saja necessari ch’ils alliads sa coordineschian cuntinuadamain en la politica davart l’Afganistan. Il medem valia er per pussaivladads da sustegnair fugitivs dal pajais. Entant ha la Gronda Britannia annunzià da vulair prender si 5’000 fugitivs. Quai ha annunzià il minister da l’intern a Londra. Cunzunt dunnas, mattatschas ed aderents da minoritads religiusas duajan survegnir asil. A lunga vista possia la Gronda Britannia prender si enfin 20’000 fugitivs.

Ils talibans en l'Afganistan

Avrir la box Serrar la box
Ils talibans en l'Afganistan

Ils talibans èn ina gruppa militanta islamistica ch'è gia stada a la pussanza en l'Afganistan dal 1996-2001. Els han lura manà in reschim brutal cun in'interpretaziun strentga dal dretg islamic. Il 2001 han ils Stadis Unids cupitgà la regenza dals talibans. Motiv èn ils acts terroristics a New York dals 9 da settember stads. Ils Stadis Unids han fatg responsabel l'organisaziun terroristica Al-Kaids per quels - l'Al-Kaida pudeva agir nundisturbadamain da l'Afganistan. Dapi lura èn truppas americanas e d'auters stadis da la NATO en l'Afganistan per stabilisar il pajais. Il 2021 èn las truppas vegnidas retratgas, zic a zic han ils talibans puspè surprendì la pussanza.

Ord l'archiv

video
Tema e fuigia dals talibans en l'Afganistan
Or da 10 vor 10 dals 17.08.2021.
laschar ir

RTR novitads 06:00

Artitgels legids il pli savens

Scrollar a sanestra Scrollar a dretga