Siglir tar il cuntegn

Header

cuntegn

Tests da massa en Austria 2 milliuns han sa laschà testar – 4'200 èn positivs

En l'Austria han radund 2 milliuns persunas prendì part als tests da massa - tar radund 4'200 è il test da corona stà positiv, ha communitgà il minister da sanadad austriac Rudolf Anschober. I saja stà il senn dals tests da chattar persunas cun corona, senza sintoms, avant ch'ellas pon infectar autras persunas.

Regiunal haja il dumber da participants varià. A Niederösterreich sajan radund 36% da la populaziun sa participads, a Vienna be radund 13,5%. La regenza aveva sperà che dapli persunas sa laschian testar. Suenter ils dis da festa duai dar ina segunda runda da tests da massa cunter corona.

RTR novitads 20:00

Artitgels legids il pli savens