Siglir tar il cuntegn

Header

cuntegn

Virus da corona Ils Stadis Unids serran lur cunfins per esters

La China crititgescha fermamain la decisiun da scumondar l'entrada en il pajais per Chinais ed auters esters che vegnan da la China.

Ils Americans na laschan betg pli entrar persunas chinaisas ed auters esters che vegnan da la China. Quai ha decis Donald Trump. I na saja segir nagin gest da da buna veglia, uschia ina pledadra da la China.

Venderdi aveva l'Organisaziun mundiala da sanadad WHO appellà als Stadis Unids da laschar avert lur cunfins era sch'il virus sa derasia.

Burgais dals Stadis Unids ch'èn stads ils 14 dis avant en la regiun pertutgada Wuhan u en il conturn stoppian ir per fin duas emnas en quarantina. Fin uss han las autoritads americanas constatà sis cas dal virus da Corona.

audio
Per tadlar curt e cumpact
ord Novitads dals 01.02.2020.
laschar ir. Durada: 52 Secundas.

RTR novitads 11:00

Artitgels legids il pli savens