Enqual chasada en il Grischun sto guardar in zic pli exact sin il budget. L'acziun «2x Nadal» da la Crusch Cotschna porscha agid concret. La Crusch Cotschna Grischun po quest onn reparter 20,7 tonnas donaziuns da rauba en l'entir chantun. In team da voluntaris e voluntarias ha preparà en la halla da Kuoni Transporte AG la rauba per il transport a las 29 instituziuns socialas en l'entir chantun Grischun.
I va era per far attent la populaziun ch'i dat la paupradad – er tar nus en Svizra ed en il Grischun.
Grazia a la collavuraziun cun questas instituziuns po la Crusch Cotschna Grischun dar la garanzia che las donaziuns da la populaziun arrivan là nua ch'ellas vegnan duvradas.
-
Bild 1 von 6. Bildquelle: SRK Graubünden / Dorothee Pujol.
-
Bild 2 von 6. Bildquelle: RTR.
-
Bild 3 von 6. Bildquelle: RTR.
-
Bild 4 von 6. Bildquelle: RTR.
-
Bild 5 von 6. Diego Deplazes, mainafatschenta da la Crusch Cotschna Grischun è cuntent cun l'acziun da quest onn. Bildquelle: RTR.
-
Bild 6 von 6. Mario Lechmann da Trun è quest'onn l'emprima giada da la partida sco voluntari. Bildquelle: RTR.
I dovria solidaritad da las persunas che stettian bain per sa gidar cun tut quels e quellas che na sajan betg da la vart la pli sulegliva da la vita, di Diego Deplazes.
Jau chatt ch'igl saja impurtant da sa gidar. Cun mai vai bain e jau vuless ch'i giess er bain cun auters. Quai è mia motivaziun da gidar qua sco voluntari.
Mintg'on vegn l'acziun er sustegnida da differents voluntaris e voluntarias che vegnan a Cuira per gidar a zavrar la rauba per il transport enavant. Per l'emprima giada da la partida sco voluntari è quest onn Mario Lechmann da Trun.