Laina dad arder è tschertgada il mument er en il Grischun. Blers teman numnadamain ch'ieli e gas vegnian stgars. La dumonda per laina dad arder saja uschè gronda sco anc mai, ha la firma Grischa Brennholz ditg envers las gasettas da la Somedia.
Cumpareglià cun l'onn passà saja la dumonda s'augmentada per almain 50%. In interess sumegliant ferm per laina dad arder, constatescha il selvicultur e manader da la partiziun guaud tar la citad da Cuira Toni Jäger.
