Siglir tar il cuntegn

Header

cuntegn

2x Nadal Pachets èn sin viadi

La Crusch Cotschna Svizra dal Grischun reparta quest’emna puspè pachets da l’acziun «Duas giadas Nadal». Sur ils dis da Nadal e Bumaun hajan Svizras e Svizzers mussà gronda solidaritad cun persunas basegnusas, communitgescha l'organisaziun caritativa. Radund 17,5 tonnas mangiativas ed artitgels d’igiena sajan arrivads en il Grischun. Quellas vegnan uss repartidas a 31 instituziuns socialas en l'entir chantun. Lezzas guardan che la rauba arriva tar las persunas che han da basegn da l'agid.

Sper ils umans che han vivì gia avant la pandemia en relaziuns precaras, èn ussa anc vegnids vitiers ulteriurs umans ch'èn vegnids en las stretgas entras la situaziun actuala.
Autur: Therese Spescha SRK Grischun

Pervi da la pandemia da corona saja il dumber da persunas basegnusas s’augmentà. Quai ha communitgà la Crusch Cotschna Svizra. Pertutgadas sajan en spezial lavurantas e lavurants cun pitschnas pajas, persunas ch'èn occupadas be cun pajas per ura u persunas ch'educheschan persulas.

RTR novitads 10:00

Artitgels legids il pli savens