Il project cun ina gallaria da sondagi per la bova da Brinazuls po vegnir realisà. La regenza grischuna ha dà glisch verda a quel e garantescha ina contribuziun chantunala da maximalmain 9,5 milliuns francs. Ils custs totals dal project vegnan stimads sin 10,6 milliuns francs.
La gallaria da sondagi cun ina lunghezza da var 600 meters duai ils proxims onns purtar infurmaziuns davart ina sanaziun da la bova. Ord la gallaria avessi dad esser pussaivel da explorar e caracterisar las relaziuns dal grip stabil cunfinant sut la bova sco er da la massa che glischna.
Il project da la gallaria cumpiglia ultra da quai in concept da surveglianza. Quel duai mussar tant las consequenzas positivas sco er negativas d'in sistem d'allontanar l'aua per il territori da la bova.
Ord l'archiv:
