Siglir tar il cuntegn

Header

video
Mohammad, il fugitiv da l'Iran raquinta....
Or da RTR Social dals 13.01.2020.
laschar ir
cuntegn

Conflict Iran – Stadis Unids Il conflict ord vista d'in Iranais en Svizra

Il conflict tranter l'Iran ed ils Stadis Unids dattì gia dapi dus decennis. Suenter il mazzament dal general Qassem Soleimani dattì puspè novas tensiuns en il conflict. L'entir mund observescha, tge che capita sco proxim. In giuven fugitiv da l'Iran raquinta, co el persequitescha il conflict.

Mohammad Reza Shafiee ubain Emmanuel Shafiee sco el sa numna dapi ch'el è convertà da l'Islam tar il cristianissem - è fugitiv da l'Iran. El deriva da Teheran, ha 30 onns e viva uss a Glion. Avant 3 onns ha el stuì bandunar sia patria, perquai che sia nova cardientscha na vegniva betg acceptada en ses pajais.

El ha dentant anc aunc adina contact cun sia famiglia en l'Iran, era sche lezza n'ha all'entschatta betg acceptà sia nova cardientscha. Persequitar la situaziun actuala ed udir las novitads actualas ord la patria, n'è betg simpel per el.

Sch'ins legia novitads e na sa far nagut encunter, vesa che la glieud vegn pli e pli paupra, auda adina mo nauschas novas, quai na san ins betg descriver en pleds. Quai è mia patria e quai fa mal.
Autur: Emmanuel ShafieeFugitiv dal Iran

RTR actualitad 11:00

Artitgels legids il pli savens

Scrollar a sanestra Scrollar a dretga