Siglir tar il cuntegn

Header

Persunas che tegna placats ad aut durant la ceremonia.
Legenda: Tenor la televisiun statala da l'Iran han milliuns da persunas participà a la ceremonia da commemoraziun per il general Qassem Soleimani. Keystone
cuntegn

Ceremonia per Soleimani La situaziun en il Proxim orient vegn adina pli critica

Ils Stadis Unids e l'Iran rinforzan lur schmanatschas vicendaivlas, suenter ch'il general Qassem Soleimani è vegnì mazzà d'ina drona americana. Quai sveglia la tema d'ina escalaziun.

Suenter ch'il general iranais Qassem Soleimani è vegnì mazzà è la situaziun en il Proxim orient critica sco darar. La regenza a Teheran vul vendetga e survegn perfin sustegn da quels Iranais che na sustegnan normalmain betg ella. Tenor medias èn il glindesdi milliuns da persunas sa participadas a la ceremonia da commemoraziun per Soleimani, ch'è vegnì mazzà d'ina drona americana.

Malgrà las tensiuns creschentas è il president american Donald Trump avert per discurs davart ina nova cunvegna d'atom cun Teheran. La regenza iranaisa aveva communitgà, ch’ella na sa sentia betg pli obligada envers la cunvegna d’atom. Ins vegnia a cuntinuar cun il program atomar senza restricziuns. Quai valia er per la concentraziun da l’uran.

video
Ceremonia da commemoraziun en l'Iran
Or da Tagesschau dals 06.01.2020.
laschar ir. Durada: 1 minuta 22 Secundas.

RTR novitads 17:00

Artitgels legids il pli savens