Siglir tar il cuntegn

Header

cuntegn

Marcus Caduff Il squitsch è extrem grond

Ch'il cussegl federal ha decidì da serrar las stizuns è stà ina surpraisa per Marcus Caduff. Nus avain pudì accumpagnar el durant quest di cun novas restricziuns e mussain tge ch'i vul dir d'esser minister d'economia en ina tala situaziun da crisa.

video
Il squitsch è grond – In di da lavur dal cusseglier guvernativ Marcus Caduff
Or da Telesguard dals 14.01.2021.
laschar ir

Il di cumenzà per Marcus Caduff en ses biro. El telefonescha cun differentas branschas per sentir il puls, legia e respunda mails. «Jau sun mirveglius tge ch'il Cussegl federal decida en paucas uras». Per il minister d'economia è quai in temp fitg intensiv. Igl haja dà insaquanta notgs ch'el n'haja betg durmì bain. «Il squitsch da stuair prender decisiuns è fitg grond».

Sa vilentar na gida nagut

Curt suenter las 14:00 survegn el il mail da la Confederaziun cun las novas mesiras. Ch'il Cussegl federal serra las stizuns n'è per el betg necessari. «Sa vilentar na gida nagut. Jau stos empruvar da chattar soluziuns». Marcus Caduff discutescha cun ses team, tge che questas mesiras muntan per il Grischun per pudair dar pled e fatg a las medias.

Maraton d'intervistas

Tut las medias dal chantun vulan savair, tge ch'il minister d'economia pensa da las novas restricziuns. Caduff dat in'intervista suenter l'autra. Oz na basta quai betg pli dad ir sin loipa. Normalmain prend jau peda da far passlung. Uschia poss jau ventilar mes chau». Il di va a fin en biro. «Jau sun stanchel aber jau na sun betg il sulet – qua stuain nus tras».

RTR Telesguard 17:40

Artitgels legids il pli savens

Scrollar a sanestra Scrollar a dretga