Siglir tar il cuntegn

Header

cuntegn

Trais giadas Na Temas ecologics fan naufragi en Grischun

Tut ils trais projects che vulevan s'engaschar per la protecziun d'ambient han fatg naufragi. Tant las duas iniziativas agraras sco era la lescha da CO2. Er en Grischun han las iniziativas betg persvadì. Malgrà ch'i ha dà ils davos onns ina unda verda han projects per la protecziun d'ambient in grev stan. Il foss tranter muntogna e citad saja gronda, manegia Anita Mazzetta.

audio
Anita Mazzetta: temas ecologics han grev en il Grischun
ord Actualitad dals 13.06.2021.
laschar ir. Durada: 3 minutas 47 Secundas.
La trumpada è massiva – gest quai che pertutga la lescha da CO2. Quai è in debachel per la politica dal clima.
Autur: Anita Mazzetta manadra WWF Grischun

Purs èn levgiads

Cunzunt che las duas iniziativas agraras han fatg naufragi è in grond levgiament per il president da l'uniun purila dal Grischun, Thomas Roffler. Ils purs Grischuns veglian era vinavant ir ina via pli ecologica e betg cumbatter quella. Las iniziativas sajan simplamain stadas memia extremas.

audio
Thomas Roffler davart il na tar las iniziativas agraras
ord Actualitad dals 13.06.2021. Maletg: MAD
laschar ir. Durada: 2 minutas 14 Secundas.
Jau na crai betg che las iniziativas agraras han gì influenza sin la decisiun da la lescha da CO2.
Autur: Thomas Roffler President uniun purila Grischun

Era Thomas Roffler è conscients dal foss tranter citad e pajais. Perquai è el da l'avis che la communicaziun stoppia sa meglierar ils proxims onns. Tenor el dovria dapli scleriment e sensibilisaziun.

RTR actualitad 17:00

Artitgels legids il pli savens