La sanadad psichica d'uffants e da giuvenils è vegnida pli impurtanta durant ils ultims onns. Maletgs pli cumplexs da malsognas ed in basegn pli grond da purschidas staziunaras e da la clinica dal di han chaschunà la necessitad da construir la nova clinica.
In pitschen gir enturn la psichiatria
-
Bild 1 von 8. Impressiuns da la visita a chaschun d'ina conferenza da medias. Bildquelle: RTR.
-
Bild 2 von 8. Bildquelle: RTR.
-
Bild 3 von 8. Bildquelle: RTR.
-
Bild 4 von 8. Bildquelle: RTR.
-
Bild 5 von 8. Bildquelle: RTR.
-
Bild 6 von 8. Bildquelle: RTR.
-
Bild 7 von 8. Bildquelle: RTR.
-
Bild 8 von 8. Visualisaziun dal center da l'areal. Bildquelle: Servetschs psichiatrics dal Grischun.
Cun ina capacitad da 21 letgs staziunars, da quels ina unitad intensiva, sco er set plazzas da clinica dal di duai la largia da provediment en il chantun Grischun vegnir serrada. La clinica cumpiglia ina staziun d'uffants, ina staziun per giuvenils ed ina staziun da psicoterapia. Plinavant stattan a disposiziun letgs supplementars per in eventual basegn augmentà a curta vista.
Architectura sco factur terapeutic
L'edifizi nov sin l'areal da la Clinica Waldhaus a Cuira s'orientescha ad in concept da pavigliun. Edifizis bass cun grondas fanestras portian blera glisch en las localitads ed avrian il sguard en il verd. Las curts ed ils stabiliments al liber stgaffeschian secturs protegids per moviment e terapias. Er ils locals interns èn concepids confurm a la vegliadetgna, cler e quietant. La clinica vegn ad esser en funcziun 24 uras durant l'entir onn ed ha in concept da terapia cumplessiv.
Ina paisa speziala en la terapia survegn l'integraziun da la famiglia. Discurs regulars cun geniturs e persunas cun dretg da tgira ed in barat transparent duain garantir ch'ils progress terapeutics vegnian mantegnids a lunga vista e che la transiziun en il mintgadi vegnia accumpagnada bain.
Uffants e giuvenils fan adina part d'in sistem. Perquai integrain nus famiglias, las scolas ed ulteriuras persunas da contact a moda consequenta en il tractament.
En la clinica frequentan ils uffants ed ils giuvenils la scola interna ch'è adattada individualmain a lur basegns.
Investiziuns en l'avegnir
La clinica è vegnida bajegiada tranter il schaner 2023 ed il schaner 2026. Ils custs muntan a circa 49 milliuns francs. L'edifizi nov ademplescha standards architectonics ed energetics, tranter auter Minergie‐P. Plinavant è clinica colliada cun la rait da chalur a distanza da la GEVAG a Trimmis.
Cun l'avertura vegn fatg in pass central per il provediment psichiatric d'uffants e da giuvenils en la regiun. La nova clinica cuvra il basegn existent e stgaffescha a lunga vista ina basa per in provediment da sanadad modern e persistent.