Siglir tar il cuntegn

Header

ospital.
Legenda: Keystone.
cuntegn

Coronavirus Era la fin d'emna passada èsi restà quiet en ils ospitals

Ils ospitals pateschan sut las mesiras rigurusas da la Confederaziun. Cunquai che blers restan a chasa ed ils turists na vegnan betg en il Grischun, datti era pli paucs accidents. Sin dumonda da RTR hajan plirs ospitals en il Grischun confermà, ch’igl haja era dà paucs cas urgents sur las fin d’emna.

Per exempel haja la partiziun da chirurgia da l'ospital regiunal a Glion gì paucs cas d'urgenza e tranter quests nagins turists. Era ils ospitals a Tusaun, Savognin e Tavau n'han betg registrà dapli cas urgents. Tenor Hans Curd Frei, schefmedi en l'ospital da Tavau, sajan nagins cas en il connex cun il temp liber u sport capitads.

L'Ospital chantunal a Cuira ha registrà in augment minim la dumengia passada. Il pledader da medias discurra dentant medemamain d'ina fin d'emna ruassaivla.

Ord l'archiv:

video
Ils ospital sa preparan per il virus - er l'ospital regiunal a Glion
Or da Telesguard dals 13.03.2020.
laschar ir

RTR novitads 17:00

Artitgels legids il pli savens

Ir a sanester Ir a dretg