Il 2018 ha tut cumenzà. Da lezza giada èn 2 bigls vegnids decorads avant Pasca cun flurs. Quest onn èn 14 bigls vegnids ornads dal forum da dunnas Maiavilla.
La populaziun da Maiavilla ha grond interess vi dals bigls. Dentant era turists che vegnan per guardar ils bigls.
Il usit va enavos il 19avel tschientaner e deriva da la Baviera en Germania. Ils bigls avevan ina rolla impurtanta per il mintgadi, cun quai che tuttas e tuts prendevan l'aua dals bigls per ils basegns dal mintgadi. Sco grazia fitg per l'aua èn ils bigls vegnids decorads durant Pasca. Ina commembra dal «FrauenForum» da Maiavilla che deriva da là ha manà la tradiziun en il Signuradi.
Impressiuns dals bigls da Maiavilla
-
Bild 1 von 11. Bildquelle: RTR.
-
Bild 2 von 11. Bildquelle: RTR.
-
Bild 3 von 11. Bildquelle: RTR.
-
Bild 4 von 11. Bildquelle: RTR.
-
Bild 5 von 11. Bildquelle: RTR.
-
Bild 6 von 11. Bildquelle: RTR.
-
Bild 7 von 11. Bildquelle: RTR.
-
Bild 8 von 11. Bildquelle: RTR.
-
Bild 9 von 11. Bildquelle: RTR.
-
Bild 10 von 11. Bildquelle: RTR.
-
Bild 11 von 11. Bildquelle: RTR.
La tradiziun fetschia bler plaschair ad ellas, di Laila Merkli, ina da las trais suprastantas da l'uniun. I saja in dals highlights. Gia l'entschatta da l'onn cumenzian las ideas per la decoraziun a flurir. In motto na datti betg, fertant che las decoraziuns restan fidelas al ambient da primavaira.
Ina grond part da las funtaunas è en ils mauns da las dunnas da Maiavilla che fan quai voluntarmain. Dentant er auters sa participeschan. Uschia ha per exempel ina classa da scola a Maiavilla creà sezza la decoraziun per in dals bigls. E cun quai ch'il plaschair en il vitg para d'esser grond, vegnan er quest onn che vegn puspè decorads ils bigls.