La «Perdanonza» da Lumbrein è in attest per in usit religius che vegn gia vivì e mantegnì dapi passa 300 onns. La tradiziun ha dumagnà da s'adattar sur ils onns a las midadas dal temp ed è anc ozendi part da l'identitad da la vischnanca da Lumbrein.
Da la primavaira fin l'atun
Oriundamain, durant ils emprims 200 onns aveva la processiun mintgamai lieu l'emprima dumengia da curaisma durant la primavaira. Da lez temp aveva la processiun tar il pievel anc il surnum «processiun da chaschiel» («Käsefasnacht»), cunquai ch'i era scumandà da mangiar charn durant il temp da curaisma. A partir dal 1920 è questa tradiziun lura vegnida spustada, sin giavisch da la baselgia, sin la segunda dumengia da l'october.
Generaziun giuvna cun rollas impurtantas
En tut 62 persunas fan part a la «Perdananza» ch'ha ina successiun fitg clera. In rolla centrala surpiglia durant la processiun unica da Lumbrein l'uschenumnà «Genius», in mat ch'è vestgì sco mamma da las dolurs (tud.: Schmerzensmutter). Impressiun fan dentant era las trais Marias ch'èn sa vestgidas tut en nair.
Tar la «Perdanonza» surpiglian cunzunt uffants e giuvenils bleras da las incumbensas impurtantas. Cunquai ch'adina pli paucs dals participants abitan anc en il vitg da Lumbrein daventi dentant er adina pli difficil da tegnair en vita la tradiziun unica.
Ulteriurs maletgs
-
Bild 1 von 4. Bildquelle: Pleiv da Lumbrein.
-
Bild 2 von 4. Bildquelle: Pleiv da Lumbrein.
-
Bild 3 von 4. Bildquelle: Pleiv da Lumbrein.
-
Bild 4 von 4. Bildquelle: Pleiv da Lumbrein.