Siglir tar il cuntegn

Header

cuntegn

Dretgira regiunala Partenz Orlando Zegg definitivamain nunculpant

L'acquittament dal derschader da l'Engiadina Bassa Orlando Zegg è uss definitv. Suenter che la procura publica grischuna aveva retratg si'appellaziun il december passà, ha uss er l'accusader privat Adam Quadroni retratg quella.

Il settember da l'onn passà aveva la dretgira regiunala Partenz Tavau decidì ch'Orlando Zegg n'haja betg commess abus d'uffizi, sco er privaziun da la libertad. Cunter questa decisiun avevan la procura publica sco er Adam Quadroni appellà.

La procura publica aveva accusà Orlando Zegg, il president da la dretgira regiunala Engiadina Bassa Val Müstair, d'avair malduvrà ses uffizi en connex cun in'acziun cunter il «whistleblower» Adam Quadroni. Medemamain aveva Adam Quadroni purtà plant en connex cun privaziun da la libertad e constricziun.

Uss che tant la procura publica sco er Quadroni han retratg l'appellaziun cunter la sentenzia, è suenter passa in mez onn vegnida valaivla la decisiun dal settember.

Ord l'archiv:

video
Sguard enavos sin ils eveniments enturn Adam Quadroni
Or da Telesguard dals 26.11.2019.
abspielen. Laufzeit 2 minutas.

RTR novitads 14:00

Artitgels legids il pli savens

Scrollar a sanestra Scrollar a dretga