Il territori da skis da Lai/Arosa ha gì circa la mesadad dals osps dals dis da Nadal il 2019. La capacitad munta a 21'000 persunas – 70% da quai fiss stà lubì. Ils dis avant Nadal saja la frequenza stada sut la mesadad.
La glieud saja fitg precauta, ha il directur da las Pendicularas Lai SA, Peter Engler ditg a l'agentura da novitads Keystone-SDA. Els hajan sperà dapli osps. Sur tut mancà hajan giasts svizzers. L'access per turists da l'exteriur saja uschè u uschia limità.
Sumegliant sco en Part Sura Bernaisa
Sumegliant a è la situaziun sa preschentada en la Part Sura Bernaisa. Er là hai dì damain skiunzs sin las pistas. Territoris da skis en il chantun Vad han nudà frequenzas pli u main medemas sco l'onn passà.