Per blers è quai in’aventura, pudair passentar ina stad sin in'alp. Ma la realitad è tut autra. Experientscha e spiert da gruppa ston esser avant maun per lavurar sin alp.
Surdumandà
Adina puspè s’annunzia persunal pauc qualifitgà tar il chau d’alp. Quel è cuntent d’avair chattà insumma insatgi che va ad alp. Uschia era sin l'alp Ischolas a Ramosch. Gist 3 pasturs han bandunà l’alp d'in di sin l'auter. Surdumandà è savens la resposta.
Sur il Plantahof a Landquart, tar l’uniun purila ed era en l’internet va la tschertga da persunal d'alp. Per surmuntar la situaziun han ils purs surpiglià ad interim la lavur enfin ch’il chau d’alp ha chattà ina soluziun.
Il pli gugent ina famiglia
Per quest’onn han ins chattà ina schliaziun, ma per il proxim onn prevesa il chau d’alp, Luigi Gmür, da chattar ina famiglia che va ad alp.
Tar ina famiglia datti in responsabel ed il team funcziuna adina bain – quai è la consequenza per l'avegnir.
RR actualitad 07:00
