Siglir tar il cuntegn

Header

cuntegn

Pendicularas Arosa Chattar cuschiniers è fitg grev

Chattar persunal qualifitgà en la gastronomia daventa dad onn tar onn adina pli grev. Recrutà vegn il persunal en pajais da l'ost. Uschia manca dentant l'autenticitad dal turissem indigen.

audio
Bunura: Chattar cuschiniers è fitg grev
ord Actualitad dals 28.08.2019.
laschar ir. Durada: 3 minutas 38 Secundas.

«Autenticitad» saja la clav en la gastronomia è Curdin Luppi persvadì. El è d'enviern schef da 200 persunas en 6 restaurants ed hotels da las pendicularas Arosa.

Chattar cuschiniers daventa dad onn tar onn adina pli grev.
Autur: Curdin Luppi

E remplazzavan avant onns ils Tudestgs ed Austriacs il persunal indigen, saja il persunal ussa da pajais da l'ost a la frunt.

Optimal na saja quai betg, raquinta Luppi. Il giast tschertgia autenticitad e quella possia dar be persunal indigen. Il temp da lavur, la paja ed en general l'image bass da la lavur en la gastronomia sajan ils motivs impurtants che giuvens e giuvnas na sa decidian betg pli per ina clamada en la gastronomia.

RR actualitad 07:00

Artitgels legids il pli savens