La vischnanca da Samedan ha ditg Na al project d'ina colliaziun vers Cho d’Punt. Quai cun 560 cunter 331 vuschs. Il project preveseva ina punt da peduns ed il trafic plan ch'avess collià la zona d’industria cun il vitg.
Che la votaziun per quest project pudess vegnir cnappa han ins spetgà, uschè Jon Fadri Huder, il president communal da Samedan. Numnadamain era l'opposiziun cunter il project gronda. Crititgà èn oravant tut vegnì ils custs ed er il fatg che la punt traversescha l'En mo betg la via chantunala.
Il credit da 1,6 milliuns francs era vegnì approvà gia il december da l’onn passà.
Ma cun quai ch’in referendum è vegnì inoltrà è il project anc ina giada vegnì en votaziun.
Gea a la fermativa da bus
Acceptà han ils da Samedan il credit per ina nova fermativa da bus. Numnadamain vegn pia realisada ina fermativa da bus per 470’000 francs en il quartier a Cho d’Punt.