Siglir tar il cuntegn

Header

Samedan, vischnanca, zona d'industria
Legenda: Samedan ha ditg na a la colliaziun directa tranter vischnanca e zona d'industria. RTR, Selina Camichel
cuntegn

Cho d'Punt Samedan di na a punt da peduns

La vischnanca da Samedan ha ditg Na al project d'ina colliaziun vers Cho d’Punt. Quai cun 560 cunter 331 vuschs. Il project preveseva ina punt da peduns ed il trafic plan ch'avess collià la zona d’industria cun il vitg.
Che la votaziun per quest project pudess vegnir cnappa han ins spetgà, uschè Jon Fadri Huder, il president communal da Samedan. Numnadamain era l'opposiziun cunter il project gronda. Crititgà èn oravant tut vegnì ils custs ed er il fatg che la punt traversescha l'En mo betg la via chantunala.

Il credit da 1,6 milliuns francs era vegnì approvà gia il december da l’onn passà.
Ma cun quai ch’in referendum è vegnì inoltrà, il link avra en ina nova fanestra è il project anc ina giada vegnì en votaziun.

Gea a la fermativa da bus

Acceptà han ils da Samedan il credit per ina nova fermativa da bus. Numnadamain vegn pia realisada ina fermativa da bus per 470’000 francs en il quartier a Cho d’Punt.

RTR novitads 12:00

Artitgels legids il pli savens

Scrollar a sanestra Scrollar a dretga