Siglir tar il cuntegn

Header

Chesa Planta a Zuoz.
Legenda: La Chesa Planta a Zuoz daventa l'Archiv cultural da l'Engiadin'Ota. MAD., chanzlia chantunala
cuntegn

Engiadin'Ota Chesa Planta daventa archiv cultural

La Chesa Planta a Zuoz daventa l'Archiv cultural da l'Engiadin'Ota. Persuenter sto la Chesa Planta vegnir restaurada dal tut. Ils custs totals vegnan calculads cun 5,5 milliuns francs. La regenza grischuna ha garantì al fond da fundaziun da la famiglia Planta ina contribuziun maximala da 300'000 francs. Las lavurs da restauraziun vegnan per part er accumpagnadas da la Tgira da monuments, perquai che l'edifizi vegn mess sut la protecziun da monuments.

La Chesa Plans sa chatta amez il vitg da Zuoz sin la gronda plazza communala. La part sut da la chasa è en proprietad dal fond da fundaziun da la famiglia Planta. Quella ha in grond interess che la chasa cun sia posiziun centrala vegnia duvrada per intents publics. En il rom d'ina incumbensa d'ideas e da studis èn vegnidas elavuradas ils onns 2018 e 2019 pussaivladads per furmas d'utilisaziun per il futur. L'element central da l'utilisaziun suenter la renovaziun vegn ad esser l'integraziun da l'Archiv cultural da l'Engiadin'Ota.

Ord l'archiv:

video
Chesa Planta
Or da Balcun tort dals 30.01.1972.
laschar ir

RTR novitads 08:00

Artitgels legids il pli savens

Scrollar a sanestra Scrollar a dretga