Cun la decisiun da la vischnanca da Zernez han ussa tuts las vischnancas, numnadamain Scuol, Samignun, Valsot e finalmain era Zuoz consentì il contract da fusiun tranter la chasa d'attempads Puntota a Scuol ed il Center da sandà Engiadina Bassa, curt CSEB. Cun questa decisiun vegn ussa la chasa d'attempads cun ses 65 letgs ed ina nova partiziun per persunas cun demenza ina part integrala dal Center da sandà. Roland Weber, il directur da la chasa d'attempads Puntota, daventa cun quai nov commember en la direcziun dal CSEB.
Il contract da fusiun prevesa ina collavuraziun oravant tut en ils secturs administraziun, coordinaziun dal persunal, en la cuschina, linscharia e tecnica, e va definitivamain en vigur retroactiv a partir dal 1. da schaner 2019.
Decisiuns en vischnancas grischunas
RTR novitads 06:00
