Il 1957 han las vischnancas da S-chanf enfin Martina dà la concessiun a las Ovras electricas d’Engiadina SA da nizzegiar lur aua per producir forza electrica. Sin basa da quellas concessiuns ha la OEE fabritgà dus stgalims.
- Ils stgalim sura da S-chanf enfin Pradella, en vischinanza da Scuol.
- Pli tard il stgalim sut da Pradella enfin al cunfin Svizzer a Martina.
Omadus contracts duran anc decennis: per il stgalim sura enfin l’onn 2050 e quel sut enfin il 2074.
Contracts cumplex basegnan ina lunga elavuraziun
Gia oz sa fatschenta la «Corporaziun Energia Engiadina» dal tema. La raschun: quels contracts èn enorm cumplex. Leschas actualas, tractativas cun pajais vischins, evaluar avantatgs e dischavantatgs tar la surdada da l'entira infrastructura che vegn gestiunada da las Ovras Electricas Engiadina SA.
Ins sto ponderar a temp è betg pir cura ch'il cuntè è al culiez.
Dentant exista anc in terz contract da concessiun, quel dal stgalim internaziunal Martina – Prutz. Quel dura pero anc enfin il 2102. Las Ovras electricas d’Engiadina en participadas cun 14% vi dal project ovra da cuminanza «Inn GmbH» (GKI) sin il cunfin tranter la Svizra e l’Austria.
