Siglir tar il cuntegn

Header

cuntegn

Engiadina San Murezzan In pau damain squitsch da temp per la destinaziun turistica

Ils presidents communals en la gruppa da lavur: Daniel Bosshard, Christian Brantschen, Andrea Gilli, Christian Meuli e Christian Jenny (presidi) – els han surlavurà l’emprim sboz per crear novs statuts da la destinaziun turistica Engiadina San Murezzan.

Pli curt e main concret

Suenter che la gruppa ha resguardà inputs e remartgas dals acziunaris a reguard la formulaziun dals statuts, è il sboz per ils novs statuts er main liant.

  • Betg pli menziunadas vegnan las singulas cumpetenzas dal cussegl administrativ. Ils uschenumnads «profils» per mintga singul commember duain vegnir reglads separadamain en in carnet da duairs.
  • Il president dal cussegl administrativ duai da nov vegnir elegì da la radunanza generala.
  • Il dretg da proponer in(a) candidat(a) duai daventar pli liber e main restrenschì.

Termins main stretgs

Il sboz da statuts è uss expost publicamain fin ils 10 da mars 2020. Tenor la planisaziun da termins duai gist suenter cumenzar la tschertga da commembers per il nov cussegl administrativ.

A la radunanza generala l’avrigl 2020 duain vegnir elegids 3 fin 5 commembers en il cussegl administrativ da la destinaziun turistica. Quels han lura en emprima lingia la lezia da stabilisar la gestiun e tschertgar in nov CEO.

Cun quest proceder è la gruppa da lavur persvadida da far main squitsch sin tut la planisaziun da temp ch’ella aveva en mira anc avant in mais.

RTR novitads 20:00

Artitgels legì il pli savens

Nach links scrollen Nach rechts scrollen