Il post da revisiun duai examinar a moda detagliada las raschuns per il deficit da la destinaziun turistica Engiadina San Murezzan. E quai anc avant la radunanza generala da la primavaira che vegn. Quai han decis ils presidents da las vischnancas da la regiun Malögia a lur conferenza dad ier. Examinar duai il post da revisiun en tge champs ch'il budget è vairamain vegnì surpassà, co la surveglianza dal budget vegn fatga, co las modalitads da l'andament funcziunan e co las modalitads da pajar.
Il december passà aveva il cussegl d’administraziun da la destinaziun turistica communitgà, che l’organisaziun aveva fatg in deficit da var 600’000 francs l’onn da gestiun passà.
RTR novitads 20:00
