Siglir tar il cuntegn

Header

cuntegn

Fundaziun Chesa Planta Chasper Pult demissiunescha sco president sin la fin da l'onn

Suenter 10 onns sa retira Chasper Pult sco president da la Fundaziun Chesa Planta sin la fin da l’onn. Quai rapporta la Posta Ladina. Il favrer elegia il cussegl da la fundaziun il successur u la successura dal linguist e romanist da 74 onns. Durant ses temp d’uffizi saja la Chasa sa sviluppada sco center da cumpetenza per la lingua e la cultura rumantscha. Pult guarda er enavos sin trais decennis sco commember dal cussegl da fundaziun. La stad passada ha la Fundaziun Chesa Planta festivà ses 80avel giubileum.

Surpiglià il timun en in onn da crisa

Cura che Chasper Pult ha surpiglià il timun il prim d'october 2013 era la Fundaziun Chesa Planta confruntada cun grondas sfidas: tractativas cun il cumin da Samedan eran necessarias, la situaziun finanziala era precara, i deva dispitas internas en il cussegl da fundaziun e la reputaziun da la Fundaziun Chesa Planta era nauscha. El ha alura pudì far ina cunvegna da prestaziun cun il cumin da Samedan ed ha cuntanschì che la Chesa Planta è vegnida renconuschida en la regiun sco instituziun da cultura da gronda impurtanza.

Or da l'archiv:

audio
80 onns Fundaziun Chesa Planta Samedan
ord Marella dals 11.06.2023. Maletg: RTR
laschar ir. Durada: 39 minutas 57 Secundas.

RTR novitads 06:00

Artitgels legids il pli savens