Siglir tar il cuntegn

Header

cuntegn

Lavur d'ambassadur «Represchentar la Svizra vul dir avair gugent la Svizra»

Dapi il favrer da quest onn viva e lavura Tim Enderlin cun sia famiglia en il Myanmar en l’Asia dal Sidost. Sco ambassadur represchenta el là la Svizra e ses interess. En Myanmar, ch'è in dals pli povers pajais da l’Asia s’engascha la Svizra oravant tut per il process da pasch e per la segirtad.

La lavur da Tim Enderlin, l’ambassadur svizzer, saja diversa, fascinanta ed inspiranta. Er sch’el saja bler en biro saja mintga di different. Uschia na dettia betg in di tipic da sia lavur. El vegnia la damaun en biro e na sappia betg tge che spetgia. En in'emna viagia l’ambassadur tras tut il pajais. El saja adina là nua che la Svizra saja involvida. Da represchentar la Svizra en in pajais ester fascinescha Tim Enderlin.

Per pudair represchentar la Svizra as sto avair gugent la Svizra.
Autur: Tim EnderlinAmbassadur svizzer a Myanmar

Cuntent è l’ambassadur svizzer er che sia famiglia vegna dapertut cun el. Quai saja però il medem mument er ina da las grondas sfidas. E sche quai gartegia, sco en ses cas, saja la vita sco ambassadur ina bella experientscha per tuts.

RR actualitad 07:00