La maisa radunda è ina plattafurma da communicaziun tranter las societads da pestga e l'Uffizi da chatscha e pestga dal Grischun. Quella ha gì lieu per la secunda giada, quest onn a Sta. Maria en Val Müstair. Suenter la maisa radunda ha gì lieu era gist la 118avla radunanza ordinaria da l’uniun da pestgaders Grischun.
Quota d’aua restanta e tissis
Diversas societads da pestgaders, surtut la societad da la Mesolcina e Val Calanca, da Glion e conturns ed era da l’Engiadin’Ota han prendì il pled ed infurmà davart la situaziun en lur regiuns e flums.
La mancanza d’aua causa la producziun da forz’electricra fa quitads en las valladas dal sid. En il Rain ed ils flums en l'Engiadin’Ota cumbattan ins cun divers tissis, uschè differents pestgaders da quellas regiuns. L’Uffizi da chatscha e pestga ha prendì encunter ils quitads ed infurmà da lur stentas quai che pertutga ils problems da la pestga in Grischun.
La finamira da realisar ina maisa radunda è da chattar bunas schliaziuns, saja quai per ils peschs ma era per ils pestgaders.
