La vischnanca da Zernez generescha radund 5 milliuns francs ad onn cun fits d’aua. Per il president communal Domenic Toutsch ina da las impurtantas entradas da la vischnanca.
Nus avain la responsabladad da generar entradas, la vischnanca da Zernez ha fatg grondas investiziuns ils davos onns e quai è ina ulteriura entrada.
Contract da dretg da retrair l’aua
Sco emprim ha la populaziun gì da decider sur dad in contract cun la societad Ovras Electricas Susasca SA. Quel prevesa la pussaivladad da pudair retrair l’aua da la Val Sagliains, tranter Susch e Lavin e quai per ils proxims 60 onns.
Ovra idraulica Val Sagliains
Suenter il Gea da la populaziun po uss vegnir inoltrada ina dumonda da construcziun per realisar l’ovra idraulica. La tschiffada è prevesida sin radund 1'700 meter sur mar, l'ovra sezza sin radund 1'400 meter sur mar e duess producir radund 5,8 milliuns uras kilowatt. Vul dir circa tant sco il consum da las fracziuns Lavin e Susch ensemen.
